Siglir tar il cuntegn

Header

Ina chamona, davosvart ils munts Drusenfluh e Sulzfluh da la gruppa da munotgnas Reticon
Legenda: Bainbaud en in parc da natira? Ils munts Drusenfluh e Sulzfluh da la gruppa da munotgnas Reticon bilderzirkus.ch
cuntegn

Ulteriur Grischun Parc natiral internaziunal Rätikon

En il Partenz è dacurt vegnì lantschà in project per in agen parc da natira. Quel dess vegnir concepì sumegliant al parc Ela u la Biosfera Val Müstair. Ma en pli duai el colliar il Partenz, il Vorarlberg ed il Principadi da Liechtenstein.

Il project parc Rätikon è part da la strategia da svilup da la regiun Partenz/Tavau. La mira dal project è simpla: sustegnair il svilup da la natira e la cultura da las trais regiuns cunfinantas. Co e cun tge products u servetschs n'è però anc betg cler. Entant è il project pir en la fasa preparativa. Vul dir: Ils organisaturs entran en contact cun las vischnancas per mirar, sche l’interess vid in tal project è insumma qua. Pir suenter pon els ir en la proxima fasa, in studi davart la realisabladad. En quest vegn elavurà in emprim concept grop per il parc e guardà, sche uschè in project fa insumma senn.

audio
Parc natiral Rätikon: Tge è l'idea?
01:58 min, Actualitad dals 04.11.2016.
laschar ir. Durada: 01:58 minutas.

Entant èn las respostas positivas en il Partenz, sco er en l' Austria ed en il Principadi da Liechtenstein. Fin cha quest project vegn però propi realisà, po i durar anc insaquants onns. Il studi sez dura gia radund dus onns. Co i guarda ora suenter è grev da dir. Cunquai ch'il project è internaziunal po la planisaziun anc sa spustar marcantamain.

Artitgels legids il pli savens

Scrollar a sanestra Scrollar a dretga