In'incumbensa da la societad saja, da proteger ils uffants e giuvenils d'abus sexual. A Domat stuessan ins meglierar la situaziun. Da quai avis è l'interpellant e deputà dal parlament da Domat Ronny Krättli (PPS).
Jau crai ch'ins stuess sensibilisar en la vischnanca, la populaziun ed en las uniuns davart quest tema.
Tenor il rapport da la polizia dettia adina puspè en il chantun cas d'abus sexual tar uffants. Er en il parlament chantunal haja dà in'interpellaziun davart la protecziun d'uffants. Il deputà da Domat vul perquai savair, co la situaziun guarda or en sia vischnanca.
En sia interpellaziun dumonda Ronny Krättli tranter auter, co la magistraglia vegn controllada, sch'i haja schon dà abus sexual tar uffants en la vischnanca e tge che la regenza prevesa per proteger u sensibilisar uffants e giuvenils.
La resposta sin sia interpellaziun survegn il deputà oz durant la sesida dal parlament da Domat. Co Ronny Krättli agescha vinavant, dependa da las respostas. Ina pussaivladad saja, da cuntinuar sin via politica – sche quai fa insumma basegn.