Siglir tar il cuntegn

Header

Ina moto cupitgada dasper in binari da viafier.
Legenda: La moto ch'è cupitgada da la via giu sin il trassé da la Viafier retica. CDM, Pocha
cuntegn

Partenz Accident cun moto tranter Küblis e Saas

Tar l’accident la notg da venderdi sin sonda è in töf vegnì schlavazzà sin ils binaris da la Viafier retica. Il töffist è sa blessà mezgrev.

Il giuven da 22 onns era curt avant l’ina la notg da viadi da Küblis vers Saas. Or da motivs anc betg sclerids saja il motociclist collidà cun la saiv da segirezza, scriva la Polizia chantunala. Tras la collisiun èn el e sia moto vegnids schlavazzads var 15 meters giu d’ina costa. La moto è lura restada airi dasper ils binaris da la Viafier retica.

In’ambulanza ha transportà il blessà en l’ospital a Schiers. Da là ha la Rega al sgulà en l’Ospital chantunal a Cuira.

audio
Per tadlar: Las novitads da las 12.00 uras
06:41 min, RTR Audio dals 27.06.2021.
laschar ir. Durada: 06:41 minutas.

RTR novitads 10:00

Artitgels legids il pli savens

Scrollar a sanestra Scrollar a dretga