Siglir tar il cuntegn

Header

cuntegn

Partenz Pumpiers han stizzà a Saas dus incendis da cultira

A Saas en il Partenz han ils pumpiers pudì impedir il glindesdi da Pasca che dus incendis da cultira sa derasian. L'emprim incendi è vegnì chattà d'in velocipedist curt suenter las 14:00 en il lieu Capäls. Ils 15 pumpiers dal Partenz Central ch'èn arrivads al lieu, han stizzà l'incendi e bagnà il territori pertutgà.

L'auter incendi da cultira è vegnì chattà vers las 18:30 en il lieu Flersch. Er qua han ils 40 pumpiers da Claustra ch'èn vegnids clamads al lieu gì svelt sut controlla la situaziun. Pertge ch'igl ha piglià fieu en quels dus lieus è la polizia anc vi da sclerir.

RTR novitads 12:00

Artitgels legids il pli savens

Scrollar a sanestra Scrollar a dretga