Tenor il servetsch da traffic «Viasuisse» è la via sur il Pass dal Flüela a partir dad immediat puspè normal charrabla.Sco quai che la Polizia chantunala ha infurmà sin dumonda da RTR è la bova vegnida giu la sonda enturn las 17:00 suenter in ferm urizi. Nagin na saja vegnì blessà. La via sur il pass dal Flüela è perquai stada serrada per pliras uras en omaduas direcziuns. Viafier Retica ha gidà cun trens tras il Vereina
Pervia da la bloccada da la via sur il Flüela charavan ils trens da la Viafier Retica sonda saira pli ditg tras il Vereina.
Er Fuorn e Malögia puspè averts
Pervi da bovas èn er stadas serradas fin dumengia a bun'ura las vias sur ils Pass dal Fuorn e dal Malögia. Entant èn omaduas vias puspè normal charrablas.
RR novitads 20:00+
