In auto plain victualias betg decleradas han collavuraturs da l'Administraziun federala da duana scuvert ord l'aria sin il Pass dal Spleia. La rauba en la valur da plirs millis francs: 139 kilos charn, 16 kilos chaschiel e spirituosas hajan els chattà en l'auto d'in Talian da 52 onns. Quai scriva l'Administraziun federala da duana.
Rauba vegn confiscada
En il rom d'in sgol cun helicopter avant 10 dis era l'auto da l'um talian dà en egl als collavuraturs da l'Administraziun federala da duana. El avess pudì annunziar la rauba a la duana sin il Pass dal Spleia, ha dentant tralaschà quai. L'um da 52 onns sto quintar cun ina multa. La rauba è vegnida confiscada.
RR novitads 15:00