Ulteriur Grischun - Patrick Mäder vegn a retschaiver pazients en futur a Cuira
Il schefmedi da la chirurgia dal Spital regiunal Surselva Patrick Mäder vegn a cuntinuar sia sfida professiunala a Cuira en il center medicinal Gleis D. Quel sa chatta gist dasper la staziun da Cuira. Quai rapporta la Südostschweiz sa referind sin ina communicaziun dal center medicinal Gleis D.
Gia l’avrigl aveva il Spital regiunal Surselva a Glion communitgà che Mäder bandunia l’ospital sin la fin october. Mäder tschertgia ina autra sfida professiunala. Uss para Mäder, che ha manà durant 10 onns la partiziun chirurgica-ortopedica dal ospital a Glion, d’avair chattà quella en il center medicinal Gleis D.
Las operaziuns vegn Mäder a far en futur en la clinica Gut ed en l’ospital a Tusaun. Spezialisà è Mäder surtut sin malsognas dal begl tgilar.
