Ulteriur Grischun - Pendiculara da la Schatzalp vegn anc stgarpada giu quest onn
La Berghotel Schatzalp SA e l’uffzi federal per il traffic èn sa cunvegnids da stgarpar giu l’anteriura pendiculara da la Schatzalp a Tavau en il territori da skis da Persenn. Quai duai anc capitar quest onn.
Legenda:
La staziun a val da la pendiculara.
bergbahnen.org
2 / 4
Legenda:
La cabina da la Schatzalp (2009).
bergbahnen.org
3 / 4
Legenda:
La staziun da muntogna da la Schatzalp.
bergbahnen.org
4 / 4
Legenda:
Vista sin la Schatzalp.
Keystone
Las duas partidas sajan sa cunvegnidas en tut ils puncts. La fin era sulet anc dispitaivel la taxa da la procedura da 15’000 francs. En quest punct ha ussa il tribunal federal administrativ decis a favur da l’uffizi federal per il traffic. Sco quai ch’igl è da leger ord la sentenzia ha il tribunal refusà il plant da la Schatzalp SA.
Pendiculara da la Schatzalp
Avrir la boxSerrar la box
La pendiculara che manava dal pass dal Strela en il Hauptertäli sin il territori da skis da Parsenn è vegnida construida il 1957. Dapi il 2002 stat ella però airi.
Berghotel Schatzalp SA sto surpigliar ils custs
Cunquai sto la societad acziunara dismetter sin agens custs tut las sugas da la pendiculara che stat dapi onns airi. Quai duai capitar fin mez da quest onn. La suletta pitga da la pendiculara sto davent fin mez october, la staziun da muntogna e quella a val sin il pli tard avant la stagiun d’enviern 2019/20.
