Las pendicularas d'Arosa hajan gì in bun onn da fatschenta e quai malgrà la fin abrupta pervi da la pandemia da corona – quai scrivan ellas en ina communicaziun a las medias.
Fin la fin favrer saja l'interpresa stada sin in meglier stan che l'onn avant. La finala resultia «in gudogn annual superbi» da 1,3 milliuns francs, communitgeschan las pendicularas. La svieuta saja sa reducida per 2,2 milliuns sin 27,2 milliuns.
Il Cussegl d'administraziun ha fatg la dumonda da desister da pajar ora la dividenda. Raschun saja ch'ins na sappia anc betg propi tge che spetgia l'enviern che vegn – ins restia dentant «precautamain optimistic».
Il favrer ha il Minisguard rapportà:
video
Tge custs ch'il territori da skis Arosa-Lai ha in di da manaschi
Or da Minisguard dals 08.02.2020.
laschar ir. Durada: 10 minutas 31 Secundas.