Siglir tar il cuntegn

Header

La pendiculara che maina sin il Weisshorn - cuntrada da stad.
Legenda: La pendiculara che maina sin il Weisshorn. La procura publica grischuna piglia sut la marella las pendicularas d'Arosa. Keystone
cuntegn

Pendicularas Arosa Procura publica activa pervi da regals a persunas politicas

La procura publica grischuna sclerescha sch'i dat ina inquisiziun penala encunter las pendicularas d'Arosa. Quai han els ditg envers Radio SRF. La raschun è in artitgel da la Südostschweiz da gievgia. Tenor quel duain las pendicularas d'Arosa regalar cartas da skis a politicras e politichers da la vischnanca. Tiers vegnia cha la carta da l'onn per il territori Arosa Lenzerheide po vegnir retratga per 350 fin 550 francs pli bunmartgà.

Il president dal cussegl d'administraziun da las pendicularas, Lorenzo Schmid, sa defenda encunter las rinfatgas da filz: Els sajan sinceramain da l'avis che quai saja ina gesta, in grazia e che quai n'haja da far insumma nagut cun influenzar uffizis.

Dentant tenor l'organisaziun «Transparency Svizra» èn ils reglas in problem perquai ch'i sa tractia da blers raps che vegnan regalads. Uschia saja qua il privel che quels e quellas che survegnan ils regals na sajan betg pli independents sch'i va per decisiuns en chaussa.

RTR novitads 17:00

Artitgels legids il pli savens

Scrollar a sanestra Scrollar a dretga