La procura publica grischuna sclerescha, sch'i dat ina inquisiziun penala encunter las pendicularas d'Arosa. Quai han els ditg envers Radio SRF. La raschun è in artitgel da la Südostschweiz da gievgia. Tenor quel duain las pendicularas d'Arosa regalar cartas da skis a politicras e politichers da la vischnanca. Tiers vegnia che la carta da l'onn per il territori Arosa Lenzerheide po vegnir retratga per 350 fin 550 francs pli bunmartgà.
Il president dal cussegl d'administraziun da las pendicularas, Lorenzo Schmid, sa defenda cunter las renfatschas da filz: Els sajan sinceramain da l'avis che quai saja in gest, in engraziament e che quai n'haja da far insumma nagut cun influenzar uffizis.
Tenor l'organisaziun «Transparency Svizra» èn ils reglas però in problem, perquai ch'i sa tractia da blers raps che vegnian regalads. Uschia saja qua il privel che quels e quellas che survegnian ils regals, na sajan betg pli independents, sch'i giaja per decisiuns en chaussa.