Sut il stritg han las pendicularas fatg in gudogn da bunamain 170'000 francs. Quai tar entradas da radund 1 milliun francs. Avant amortisaziuns, taglia e donaziuns resulta però ina perdita da 31'00 francs.
En vista a la situaziun da naiv che saja stada ideala, saja la situaziun finanziala da las Pendicularas da Tschiertschen alarmanta. Quai scriva il cussegl d’administraziun en l’ultim rapport annual. En consequenza haja el instradà in’ulteriura sanaziun da la societad.
Ord l'archiv:
Problems finanzials han las pendicularas da Tschiertschen gia dapi la stagiun 2013/2014. Pervi da la situaziun alarmanta avant in onn ha il cussegl d'administraziun dumandà il december 2018 a pussaivels donaturs da sustegnair las pendicularas cun donaziuns da 350'000 francs.
RR novitads 11:00
