L'emprim «cudesch da pizs digital» vegn onurà per la segunda giada. Gia il mars ha l'agentura grischuna, Skipp communications, gudagnà aur tar ils «Stevie Awards» ed uss gudogna ella era l'emprim premi tar il «German Innovation Award». Sco quai che l'agentura communitgescha, haja la giuria decidì, ch'il cudesch da pizs digital saja ina vaira innovaziun che gidia a concepir il futur. Quai en la categoria «viagiar, sport e rauba per dadora». Tut en tut èn passa 700 firmas ed organisaziuns sa participadas a la concurrenza.
Il cudesch da pizs digital è in project parzial dal giubileum da 150 onns Banca Chantunala Grischuna. Cun quel èsi pussaivel d'ir sin 150 culms, da far fotografias e videos e da parter quels a moda virtuala.
audio
Per tadlar: Las novitads da las 12:00
ord RTR Audio dals 18.05.2021.
laschar ir. Durada: 5 minutas 37 Secundas.