Siglir tar il cuntegn

Header

Purtret dal bajetg dal SLF a Tavau sin il Weissfluhjoch.
Legenda: Il bajetg dal SLF – l'Institut federal per la perscrutaziun da naiv e lavinas a Tavau ch'è er enconuschent sco WSL. Keystone
cuntegn

Per l'engaschi per muntogna Institut per naiv e lavinas survegn «Albert Mountain Award»

L'institut per la perscrutaziun da la naiv e da las lavinas WSL a Tavau vegn onurà cun il «Albert Mountain Award» 2020. Mintga dus onns undrescha la King Albert Memorial Foundation persunas u instituziuns che s'engaschan sin l'entir mund per il territori en muntogna.

L'institut WSL a Tavau vegn undrà per ses engaschi intenziunà per la prevenziun da lavinas. Cun sias perscrutaziuns, l'avertiment da lavinas e sias directivas per la pratica haja il WSL mess auts standards e recaltgà renconuschientscha internaziunala.

King Albert Memorial Foundation

Textbox aufklappenTextbox zuklappen

La King Albert Memorial Foundation surdat l'Albert Mountain Award gia dapi il 1994 mintga dus onns ad organisaziuns u persunas per lur engaschi en il mund alpin, tranter auter en la scienza, l'art, la prevenziun d'accidents, la protecziun da l'ambient, l'educaziun e per projects socials. Il premi duai commemorar il retg beltg Albert I (1875-1934), ch'è stà in alpinist e raivider.

RTR novitads 16:00

Artitgels legids il pli savens

Scrollar a sanestra Scrollar a dretga