I sa tracta d'in rempar che duai proteger l'infrastructura d'eveniments che capitan mintga 30 fin 100 onns. Sco il cussegl communal è vegnì orientà custa quest rempar 4,6 milliuns francs. Damai ch'el nizzegia il pli fitg a la Confederaziun ed al chantun, stuess la vischnanca da Claustra pajar be bun 235'000 francs.
La raschun ch'in tal project vegn necessari è tenor la vischnanca il guaud da protecziun sur la via e la lingia da viafier che na po betg pli ademplir sia funcziun da protecziun. Plinavant sa dessian memia grondas largias durant mantegnair il guaud per che quel possia puspè proteger avunda la via ed il trassé da tren. Il project prevesa nov raits novas cunter crudada da crappa e tschintg rempars. A decider formalmain davart il project vegn il cussegl communal da la sesida d'avust. Realisà vegniss el ils onns 2022 fin 2024.
Approvà credit per nova via
Il cussegl communal ha plinavant approvà in credit da 215'000 francs per prolungar ina via da guaud existenta. Il medem mument vegn redimensiunada ina via existenta che avess uschigliò stuì vegnir sanada urgentamain.
