La scola economica KV Cuira è vegnida onurada da l'universitad britannica Cambridge. Quai scriva la gasetta «Bündner Tagblatt». KV Cuira ha survegnì il status sco «Gold Preparation Centre», quai sco engraziament per l'engaschi da la scola per preparar ils scolars gia dapi onns, per ils examens d'engles da Cambridge.
En connex cun il program da fidaivladad ha Cambridge premià total 19 scolas en Svizra.
Ils certificats d'engles da Cambridge datti dapi passa 100 onns ed els han renum internaziunal.