A Cuira han ils pumpiers stuì evacuar la notg passada pliras chasas pervi dad in incendi. Tenor la Polizia chantunala aveva ina dunna annunzià l’incendi en sia abitaziun las 3:40.
20 pumpiers sajan stads en acziun per stizzar l’incendi. Plinavant han els er evacuà 16 persunas da las chasas enturn l’abitaziun pertutgada. Entant han las persunas pudì turnar en lur abitaziuns.
La raschun per l’incendi è tenor la Polizia chantunala stada ina chandaila che brischava sper in letg.