Siglir tar il cuntegn

Header

Autos colurads e bleras persunas.
Legenda: Ils fans da schlagher ston anc ina giada avair pazienza fin ch'i dat la proxima parada da schlagher a Cuira. Keystone
cuntegn

Pervi dal coronavirus Er quest onn nagina parada da schlagher a Cuira

Era quest onn na datti nagina parada da schlagher a Cuira. La raschun sajan la malsegirezza permanenta e las disposiziuns da la Confederaziun e dal chantun, han communitgà ils organisaturs. La parada da schlagher era previsa per la fin d’emna dals 24 e 25 da settember. Gia l’onn passà era quella vegnida stritgada pervi da la pandemia da corona.

I fiss quest onn stà la 25avla parada da schlagher a Cuira ed ils organisaturs vulevan carmalar cun artists ed artistas da num e da pum anc dapli fans da schlagher ch'ils onns avant a Cuira. Quai è uss tut stritgà. Sut las circumstanzas actualas na saja betg pussaivel da planisar ina occurenza gronda cun 35'000 visitaders.

Ils fans da schlagher ston uss pia anc ina giada spetgar in onn pli ditg sin lur festa a Cuira. Previs èsi da realisar la 25avla Schlagerparade il settember dal 2022 – quella giada cun in program anc pli vast.

Ord l'archiv

video
Parada da schlagher il 2008
Or da Telesguard dals 27.09.2008.
laschar ir

RTR novitads 14:00

Artitgels legids il pli savens

Scrollar a sanestra Scrollar a dretga