Plaiv evangelica da Cuira ha puspè in timun

Perquai che l'entira suprastanza è sa retratga survegn la plaiv evangelica da Cuira in curatur. Sco quai che la baselgia chantunala evangelica dal Grischun communitgescha, hajan els incaricà il fiduziari Rudolf Trepp da Masein.

La baselgia da Son Martin. Bild in Lightbox öffnen.

Legenda da maletgs: La suprastanza era sa retratga la fin da zercladur en globo. Keystone

Trepp maina cunquai vinavant las fatschentas da la suprastanza ed è autorisà da preparar l’elecziun da la nova suprastanza. Cun il timun da plaivs ha el gia experientscha. Trepp è gia pli baud stà curatur per la baselgia chantunala.

La suprastanza era sa retratga en globo la fin da zercladur perquai ch'il cussegl baselgia e la cumissiun da recurs n'avevan betg laschà valair la reelecziun da la presidenta Carmen Dasoli-Peter. Quella aveva midà domicil da Cuira a Trin.

RR novitads 17:00