Siglir tar il cuntegn

Header

cuntegn

Plans per spustar staziun Tavau Vitg – ina staziun duai far viadi

Gronds plans amez la vischnanca: Tavau ponderescha da spustar la staziun da Tavau Vitg per 400 meters en direcziun center. Quai annunzian la vischnanca da Tavau, la Viafier retica e las pendicularas Tavau Claustra SA en ina communicaziun cuminaivla sut il titel:

Project da generaziuns staziun Tavau Vitg – perspectivas per l'avegnir da Tavau ed il turissem.
Autur: communicaziun cuminaivla Vischnanca da Tavau, Viafier retica e Pendicularas Tavau Claustra SA

Tenor communicaziun purtass il spustament differents avantatgs. Tranter auter circulass il traffic meglier e Tavau Vitg e Tavau Plaz creschiss ensemen pli ferm. Vinavant duai la staziun en ils proxims onns insumma prest vegnir sanada ed adattada als basegns da persunas cun impediments.

Ussa vulan la vischnanca da Tavau, la Viafier retica e las pendicularas sclerir ils detagls e cunzunt ils custs dal project.

La populaziun da Tavau vegn infurmada l'entschatta december.

audio
Per tadlar: Las novitads da las 06:00
ord Novitads dals 17.07.2020.
laschar ir. Durada: 5 minutas 25 Secundas.

RTR novitads 06:00

Artitgels legids il pli savens