Siglir tar il cuntegn

Header

Purtret da la plazza da glatsch.
Legenda: La plazza da glatsch al «Quader» a Cuira sto vegnir serrada. MAD
cuntegn

Ulteriur Grischun Plazza da glatsch «Quader» sto vegnir serrada

La plazza da glatsch «Quader» sto serrar immediat pervi d'in problem tecnic. Empè prolunghescha la plazza da glatsch «Obere Au» sia stagiun fin ils 8 da mars.

Il conduct da sfradentar en la plazza da glatsch dal Quader ha in donn che sforza ils gestiunaris da serrar la plazza immediat. Il defect tecnic en cumbinaziun cun las temperaturas chaudas haja manà a la decisiun dal gestiunari, ils implants da sport da Cuira.

I na dettia dentant nagin privel per persunas u per l'ambient, scriva la chanzlia da la citad en ina communicaziun.

RR novitads 18:00