Siglir tar il cuntegn

Header

Navigaziun

La bar dal hotel.
Legenda: RTR, Gierina Gabriel
cuntegn

Ulteriur Grischun «Please Disturb»: La gastronomia dovra emprendists

La gastronomia ha savens difficultads da chattar avunda emprendistas ed emprendists. Per carmalar dapli giuvnas e giuvens da far in mastergn en questa branscha datti dapi intgins onns l'uschenumnà «Please Disturb» - in di da las portas avertas tar ils hotels.

«Ins lavura cura ch'ils collegas han liber», di Andreas Züllig, president da Hotelleriesuisse e schef d'in hotel da quatter stailas e mez a Lai. Quai fetschia ils mastergns da la gastronomia e hotellaria betg propi attractiv. Vinavant vegn tiers l'image betg propi positiv: Lavur fitg dira e nauscha paja. Quest'impressiun tatgia anc adina vi dals mastergns, era sche la situaziun saja sa midada fitg, manegia Züllig.

«Lavurar en la gastronomia ha er avantatgs»

Era per las emprendistas en l'hotel a Lai è il temp da lavur il pli grond dischavantatg tar lur job. Il temp da lavur haja però er in'autra vart. Cur ch'els hajan liber, sajan las butias sco era las pistas vidas. Ulteriurs avantatgs saja la lavur variada ed il contact cun ils giasts.

Disturbar per s'infurmar

Per carmalar dapli giuvnas e giuvens da far in mastergn en l'hotellaria e gastronomia datti dapi intgins onns l'uschenumnà «Please Disturb». Quai è atgnamain in di da las portas avertas tar ils hotels. Uschia duain ils giuvens s'infurmar davart las pussibilitads e schanzas da la branscha.

RR actualitad 17:00