Siglir tar il cuntegn

Header

cuntegn

Ulteriur Grischun Plirs alpinists vegnan en lavinas la fin d’emna

En il Grischun èn plirs alpinists sa blessads la dumengia en lavinas. 2 skiunz èn vegnids en ina lavina el conturn da Tavau e dus raividers da glatsch en Val Stussavgia.

Ina gruppa da skiunz era la dumengia enturn las 16.15 uras da viadi engiu dal «Sentisch Horn» a Tavau en direcziun da la val «Dischma», quai communitgescha la polizia chantunala. Cura che la gruppa è sa fermada è la cuverta da naiv sut els sa messa en moviment. Dus umens en la vegliadetgna da 35 onns èn vegnids sut la lavina è tratgs radund 200 meters da la spunda grippusa giu. Il collega da 31 onns steva gist sur la lavina ed ha pudì alarmar las forzas da salvament. La Rega e la Heli Bernina èsan communabel cun in team dal CAS Tavau en acziun. Cun blessuras levas e mez-grevas en ils dus umens vegnids sgulads en l’ospital da Tavau.

Durant raiver glatsch vegn la lavina

En la Val Stussavgia èn dus umens en la vegliadetgna da 33 e 52 onns vegnids surprais d'ina lavina spontan durant raiver glatsch. Ils dus umens vegnivan engiu baud suentermezdi cura ch’ina lavian spontana è sa messa en moviment. Ils dus umens èn vegnids fiers radund 100 meters sur grippa ora ed èn sa blessads lev. Els han alura pudì alarmar la Rega che ha sgulà ils umens en l’ospital e Cuira.

RR novitads 12:00

Artitgels legids il pli savens