Siglir tar il cuntegn

Header

Schanfiggerstrasse in Langwies
Legenda: MAD
cuntegn

Polizia tschertga perditgas Strivlada da dus autos a Langwies

Sin la via dal Scanvetg, a Langwies hai dà la dumengia da mezdi ina strivlada tranter dus autos. Quai scriva la Polizia chantunala en ina communicaziun.

Las 12:15 saja in auto nair da la marca BMW X5 charrà en direcziun Arosa. Davostiers suandava in auto grisch da la marca Suzuki Jimny. Tar il lieu Schluocht hai dà in surpassament, en il qual ils dus autos èn sa strivlads da la vart. Sco i para era in terz auto direct davostiers.

Il manischunz da quest auto u autras persunas che pon far indicaziuns tar quest cas vegnan supplitgadas da contactar la polizia.

RTR novitads 20:00

Artitgels legids il pli savens

Scrollar a sanestra Scrollar a dretga