Siglir tar il cuntegn

Header

Via tras Zizers en il stgir.
Legenda: A Zizers hai dà la notg sin sonda in accident cun in velocipedist. L'auto nunenconuschent ha cuntinuà il viadi senza s'occupar dal blessà. MAD, Polizia chantunala
cuntegn

Polizia tschertga perditgas Velocipedist blessà vi dal chau

In um che stuschava la notg sin dumengia ses velo tras Zizers è vegnì tutgà d'in auto, cura ch'el ha traversà la via. L'auto haja tutgà la roda davos dal velo e l'um saja uschia vegnì bittà per terra, communitgescha la Polizia chantunala.

L'automobilist è charrà vinavant en direcziun Landquart senza s'occupar dal blessà. Pervi da sias blessuras vi dal chau han terzas persunas transportà il blessà en l'ospital a Cuira. La polizia tschertga perditgas. Persunas che pon far indicaziuns davart l'accident, èn suplitgadas da s'annunziar tar il post da polizia a Cuira (tel. 081 257 72 50)

RTR novitads 15:00

Artitgels legids il pli savens

Scrollar a sanestra Scrollar a dretga