Cura che la Posta ha serrà sia filiala a la plazza da la posta a Cuira ha la gronda part da la clientella midà sin la Posta dasper la staziun a Cuira. Questa filiala haja pudì pigliar si bain la fulla da glieud. Dentant veglia la Posta tuttina pussibilitar a la glieud en citad dad era ir a la plazza da la posta e nizzegiar lur servetschs. Perquai porscha la biblioteca da la citad che avra sias portas l'avust danovamain er in'agentura da la Posta.
La nova biblioteca vegn ultra da quai a porscher davent da l'avust si'offerta da basa sco era ina ludoteca e cudeschs en linguas estras. Vitiers vegn ina cafeteria.
RR novitads 14:00