«Postplatz» resta «Postplatz»

Il parlament da la citad Cuira ha decis cun 17:2 vuschs, che la plazza amez Cuira tegnia ses num. Il cusseglier communal Romano Cahannes (PCD) n'ha betg gì success cun sia moziun.

La plazza. Bild in Lightbox öffnen.

Legenda da maletgs: Actualmain vegn renovà l'edifizi da la posta a Cuira per pudair integrar las bibliotecas. RTR, Isabelle Jaeger

Sursiglir cuntegn supplementar

L'edifizi da la Posta

Keystone

L’edifizi da la Posta, ch’aveva dà il num a la plazza en il center da Cuira, è vegnì fabritgà tranter il 1902 ed il 1904 en il stil architectonic numnà «renaschientscha federala». El è sin la glista dals edifizis dad impurtanza naziunala en il Grischun.

Romano Cahannes aveva argumentà, ch'in nov num pudess dar novs impuls a Cuira. Sche la Posta Svizra haja decidì dad ir davent da la plazza da posta n'haja quel er betg pli dad avair num Postplatz, ha argumentà Cahannes.

Tar la maioritad dals cussegliers n'ha el dentant betg pudì plazzar si'idea. Er sche la decisiun da la Posta Svizra vegn vinavant crititgada en il parlament da la citad, na saja quai nagina raschun seriusa da midar il num da la plazza perquai che la Posta n'è betg pli là.

La Posta aveva decidì il matg 2015 da serrar sia agentura al Postplatz, cun quai ch’il affar na rendia betg. L’edifizi da tradiziun duai survegnir la primavaira 2018 nova vita cun unir las differentas bibliotecas da la citad ed ulteriuras purschidas sut in tetg.

RR novitads 06:00+