La procura publica aveva sentenzià Ivo Sasek perquai ch'el aveva envidà Sylvia Stolz per in referat ed uschia dà ina plattafurma a la snegaziun dal holocaust ed a la discriminaziun da rassas. Stolz era numnadamain gia vegnida sentenziada en Germania perquai ch'ella aveva snegà il holocaust. Er en ses referat dal 2012 en la Stadthalle a Cuira aveva ella numnà quel ina invenziun nua ch'ils mussaments persuenter manchian.
Tenor il portal da novitads online «Watson» haja la dretgira regiunala Plessur relaschà al predicatur da sectas Ivo Sasek ils chastis e la culpa perquai ch'el n'haja gì nagins motivs rassistics ed er in'intenziun eventuala haja mancà.
RR novitads 20:00