Siglir tar il cuntegn

Header

cuntegn

Premi da medias Trais students da la HTW vegnan premiads

Il Premi da medias per protecziun da datas survegnan ils trais students da la HTW Cuira en connex cun lur lavur davart la registraziun ed evaluaziun permanenta da datas da sanadad, entras apps da fitness. Els fan attent cun in video sin las schanzas ed ils ristgs da talas.

Purtret dals trais students che han survegnì il premi.
Legenda: Ils trais students: Meret Kaufmann, Nicolas Zürcher e Gion Hunziker. MAD, Dirk Lässig / BvD

Il premi tudestg è dotà cun 3'000 euros da la Federaziun professiunala d'incumbensads per la protecziun da datas da la Germania BvD. Ils trais students, Meret Kaufmann, Gion Hunziker e Nicolas Zürcher, studegian Multimedia Production a la Scol'auta da tecnica ed economia. Surdà ha la federaziun il premi per il video ch'ils students han fatg en connex cun las apps da fitness.

Il video «schanzas e ristgs da datas da sanadad»

Ils trais students sco era la scol'auta èn onurads da puspè avair survegnì in tal premi. Quai mussia lur buna lavur e la buna collavuraziun interdisciplinara entaifer la scola, scriva la HTW en sia communicaziun.

RR novitads 10:00