Siglir tar il cuntegn

Header

cuntegn

Premiaziun chantunala Chaschiel d'alp 2019 è «fitg bun»

La qualitad dal chaschiel d’alp è quest onn «fitg buna». Quai è sa mussà a la premiaziun chantunala da chaschiel d’alp al Plantahof a Landquart.

43% da las chascharias ch'èn sa participadas a la premiaziun han survegnì il parairi «aur», «argient» u «bronz». Tut en tut han 77 chascharias inoltrà ina magnucca da lur chaschiel da la segunda mesadad dal mais fanadur. 15 chascharias han survegnì per quella la nota «aur», e mintgamai 9 chascharias la nota «argient» e «bronz».

audio
Bunura: Premiaziun da chaschiel d'alp
ord Actualitad dals 21.09.2019. Maletg: RTR
laschar ir. Durada: 48 Secundas.

Ils experts han valità la vart exteriura dal chaschiel, las rusnas e la colur dal chaschiel endadens, la consistenza, il fried ed il gust. En lur parairi accentueschan els però che la premiaziun reflectescha la situaziun actuala. La qualitad dal chaschiel d'alp possia sa midar durant madirar.

RR novitads 23:00

Artitgels legids il pli savens