Siglir tar il cuntegn

Header

cuntegn

Procura publica grischuna Sistì procedura en cas mortal da Maiensässfahrt

La procura publica grischuna ha sistì la procedura per sclerir las raschuns da l'accident mortal d'in scolar durant l'uschenumnada Maiensässfahrt a Cuira. Ins n'haja betg pudì constatar ch'ina terza persuna saja la culpa – i na dat pia naginas consequenzas penalas pervi da l'accident.

Al di tradiziunal dad ir a culm, ils 23 da matg 2019 era in buob da 14 onns crudà radund 200 meters d'ina spunda taissa giu e mort.

Suenter l'accident ha la procura publica grischuna immediat avert ina procedura per sclerir tge ch'è capità. Suenter avair discurrì cun numerusas perditgas e responsabels, sco era cun considerar ils resultats forensics, na possian ins betg cumprovar che terz fissan stads involvids en il cas. Ins n'haja chattà nagins indizis ch'ils scolar fiss vegnì stuschà, ch'insatgi avess bittà insatge sin el u ch'el avess piglià tema dad insatge. I na dettia plinavant er nagins indizis che la persuna d'instrucziun avess violà sia obligaziun da surveglianza u autras obligaziuns.

Er tar l'organisaziun da l'occurrenza hajan ins agì a moda conscienziusa, er tar la tscherna da la ruta. La via saja er stada mantegnida a moda correcta e buna.

La decisiun da la procura publica n'è anc betg legalmain valaivla.

Video
Sistì procedura en connex cun Maiensässfahrt 2019
Or da Telesguard dals 25.03.2020.
laschar ir

RTR novitads 14:00