En il satg da rument na sa tschentan las cullas da Nadal suenter Nadal betg - dian tant Florian Hug, manader dal Manor a Cuira, sco er Sanella Maurer che posseda en la citad veglia da Cuira la stizun «Bad und Wohnen Maurer». Sco emprim va tut la decoraziun da Nadal en il «sale» enfin curt suenter Bumaun. E quai che na vegn lura er betg vendì, quai va anc ina giada enavos en il magasin, per lura l'onn proxim anc ina giada sa tschentar sin las curunas da Nadal. Dentant sche quai resta lura anc adina, sche na survivan ils products betg in segund onn, lura vegnan els dismess.
Differenza «food»
Tar il food saja quai natiralmain auter, di Florian Hug. Ils panettones e chanasters da preschent na sappian ins betg simplamain laschar en il magasin in onn. Qua emprovan las butias da vender tut – ils ultims dis er cun rabats.
RTR actualitad 07:00