En var in onn duessan cumenzar a Cuira, las lavurs per ils novs implants da sport previs sin l'areal Obere Au, numnà il project «Eisball». Quai scriva la citad da Cuira, cun annunziar ch'els hajan suttascrit il contract cun l'interpresa HRS Real Estate AG, che surpiglia l'entir pachet da las lavurs.
Il november 2018 avevan votantas e votants da Cuira approvà il project «Eisball». Il project che custa radund 44 milliuns francs prevesa tranter auter il suandant:
- 1 bajetg da gardarobas cun tribunas e tetg – confurm a gieus da ballape da l’emprima liga ed American Football
- 1 plazza da ballape tar il bajetg da la tribuna
- 4 plazzas da ballape – 2 confurmas a gieus da ballape da la segunda liga e 2 confurmas a gieus da la terza fin 5avla liga
- 1 halla da glatsch per trenament – confurm a l'emprima liga da hockey sin glatsch
Ord l'Archiv:
video
Cuira di GEA al project «Eisball» per sanar ils indrizs da sport
Or da Telesguard dals 25.11.2018.
laschar ir. Durada: 2 minutas 53 Secundas.
RTR novitads 16:00
