Las lavurs per il project «Eisball» sin l'areal Obere Au a Cuira, duain cumenzar l'atun che vegn. La dumonda da bajegiar saja inoltrada, scriva la citad da Cuira. Avant hajan els anc adattà il project. Tranter auter sajan previsas gardarobas per il standard d'emprima liga ed i duai dar in'ulteriura stanza da club. Malgrà las adattaziuns vegnia il budget davart il qual la populaziun ha decidì, betg surpassà.
Inoltrà la dumonda hajan ins l'entschatta matg ed ins spetgia uss che la lubientscha da bajegiar vegnia fin la fin da la stad. Previs èsi da cumenzar a bajegiar la fin october 2020.
Il project «Eisball» vul concentrar las purschidas da ballape e da hockey da Cuira sin l’areal da l’Obere Au. L'entir project duai esser a fin l'entschatta dal 2025 e custa 43,93 milliuns francs.
