Project per ina chava da crappa sutterrana a Valzeina avanza

Ils responsabels han infurmà gievgia saira la populaziun da la vischnanca da Grüsch davart il project.

Maletg simbolic: chava da crappa Bild in Lightbox öffnen.

Legenda da maletgs: Maletg simbolic: Anc na datti nagina chava da crappa a Valzeina, ma il project è instradà. Pixabay

Els hajan mussà l'impurtanza dal project per els sco era per la regiun, scriva l'interpresa KSB ch'ha inizià il project. Vitiers han ins infurmà davart las varts tecnicas dal project, dumondas pertutgant l'ambient e las pussaivladads co la populaziun po prender posiziun.

Ina raschun per il project è tenor ils iniziants tranter auter la pussaivladad da segirar cun la chava il provediment da material da glera e crappa ord la regiun er per proximas generaziuns. Uschia vegnian stgaffidas plazzas da lavur en la regiun, evitads imports da material da l'exteriur. Er per l'ambient e las zonas d'agricultura en la regiun porschia il project bunas schliaziuns, scrivan ils iniziants sin la pagina d'nternet.

Fin la fin dal mais è il plan directiv expost. In'eventuala votaziun pudess Grüsch far en var dus onns. Sche quella gartegia fissi previs da cumenzar cun las lavurs da construcziun l'onn 2021.

RR novitads 09:00