Siglir tar il cuntegn

Header

cuntegn

Ulteriur Grischun Punt Pardisla colliescha Cuira e Haldenstein

Cuira e Haldenstein vegnan in zic pli datiers in da l'auter. Dapi sonda a las 11 è la «punt Pardisla» che maina da Cuira sur il Rain a Haldenstein averta. Ella è ina punt pendenta per peduns e velocipedist

Via libra per peduns e velocipedists. Las lavurs principalas vid la punt èn tant sco finidas, scriva la citad da Cuira en ina communicaziun a las medias. E davent da sonda pon peduns e velocipedists nizzegiar la punt che collia Cuira e Haldenstein. Il plaschair davart quest attractiv project cun ina nova colliaziun per il traffic plaun tranter Cuira e Haldenstein saja grond. Questa punt augmentia anc la purschida per il temp liber.

La punt pendenta è 91 meters lunga, 3 meters lada e ha custà 2,4 milliuns francs. Realisada è ella vegnida dal victur da la concurrenza, il biro d'inschigner Conzett Bronzini Partner AG da Cuira. Dapi l'avrigl 2017 era la punt en construcziun.

RR novitads 12:00

Artitgels legids il pli savens