Cumenzà ha tut la gievgia saira cun ina gronda festa sin la plazza da l’Arcas en la citad veglia da Cuira. Il venderdi en damaun è quai lura ì liber a moda sportiva e quai cun las qualificaziuns: las uschenumnadas «divisions».
Divisions
La responsabla per las medias als National Winter Games, Irene Nanculaf declera co questas divisions funcziunan:
Las divisions da ski alpin, passlung ed aissa han lieu sin il culm da chasa da Cuira, a Brambrüesch. Ina entira massa d'atlets, voluntaris ed aspectaturs èn sa rimnads. E cler: dal tut sco gieus olimpics «normals» n’èn ils National Winter Games betg:
Tgi ha che va pulit bain ed è pulit spert en viadi – e tgi prenda plitost patgific. Il plaschair, cura ch’ils atlets vegnan en l’arrivada, è mintga giada grond. E quai betg mo durant las divisions da passlung, mabain er durant quellas da ski alpin:
Il sistem da qualificaziun funcziuna pia in zic auter che uschiglio. Ma tge capita sch’in atlet va cun intenziun plaun en la qualificaziun e dat lura gas durant la cursa cura ch’i quinta per propi e va per la medaglia?
Tenor Irene Nanculaf vai en ils National Winter Games dentant betg exnum per victorias, mabain en emprima lingia per la stima vers ils atlets ch'han impediments spiertals. Da quels gieus nua ch'i vegn fatg gronda festa cun ils atlets possian els prender fitg bler forza, uschè Irene Nanculaf.
Co vai vinavant?
Las concurenzas sco talas cumenzan la sonda a partir da las 9.00 uras cun ski alpin, snowboard e passlung a Brambrüesch. Il turnier d'unihoc cumenza era a las 9.00 uras, peò en la halla dal la scola professiunala artisanala a Cuira.