Il quint annual 2020 da la vischnanca da Grüsch serra cun in plus da radund 1,5 milliuns francs. Quai è circa en il rom dal resultat da l’onn avant.
Las expensas da Grüsch han muntà il 2020 a radund 12,3 milliuns francs, entradas hai dà enturn 13,8 milliuns francs. Sco la vischnanca scriva, èn las entradas da taglia stadas il 2020 cun 4,4 milliuns francs, dubel uschè autas sco il 2019.
Reservas per la halla polivalenta
Sin basa dal quint 2020 che serra cun in bun resultat, decida la radunanza communala da Grüsch da metter ina summa d’in milliun francs en las reservas per il project d’ina halla polivalenta.
Plinavant ha il suveran da Grüsch decidì da vender ina parcella en la zona industriala a l’interpresa Trumpf Svizra SA. Vitiers venda la vischnanca set plazs en la chasa da parcar a Fanas. Il daivet restant en connex cun la chasa da parcar, quai è ina summa da 570’000 francs – amortisescha la vischnanca cun il quint 2020.
