A Trimmis ha la radunanza communala approvà il preventiv 2021 che quinta cun in surpli d'entradas da 250'000 francs. Las investiziuns nettas muntan a stgars 5 milliuns francs. Il pe da taglia è vegnì fixà sin 90% da la taglia chantunala simpla.
Ultra da quai ha la suprastanza orientà la populaziun davart ils projects actuals sco la sanaziun Dorfrüfe, il parcadi, il stgaudament da zinslas e la surveglianza cun camera al plaz da recicladi.
