Siglir tar il cuntegn

Header

video
Tge ch'ils acziunaris din da las ambiziuns da Martullo-Blocher
Or da Actualitad dals 08.08.2015.
laschar ir. Durada: 2 minutas 11 Secundas.
cuntegn

Ulteriur Grischun Radunanza generala da la Ems Chemie – tuns politics mo a l’ur

La 52avla radunanza generala da la Ems Chemie a Domat n’ha procurà per naginas surpraisas.

Il concern ch’è spezialisà sin producir polimers, ha fatg l’onn 2014, sco gia communitgà il favrer passà, in gudogn da record da bunamain 349 milliuns francs.

Dividenda e bunificaziuns

Ils passa 2’000 acziunaris han approvà tut ils puncts ch’eran sin la glista da tractandas. Tranter auter era quai ina dividenda da rodund 280 milliuns francs, tge che munta 12 francs per aczia. In ulteriur punct eran las bunificaziuns da 644‘000 francs per il cussegl d’administraziun, e passa 2,6 milliuns francs per la direcziun generala.

audio
Bunura: Tge ch’acziunaris da la Ems Chemie manegian da la candidatura da la scheffa
ord Actualitad dals 10.08.2015.
laschar ir. Durada: 2 minutas 46 Secundas.

La candidatura Martullo-Blocher

In tema ch’è è vegnì menziunà a l’ur da la radunanza generala è la candidatura per il Cussegl naziunal da Magdalena Martullo-Blocher, la scheffa dal concern. Martullo-Blocher n’ha betg dà intervistas il di da la radunanza generala.

Acziunaris n'han naginas resalvas

Tuttina è la dumonda averta tge ch’i muntass per la Ems Chemie, sche sia scheffa vegniss elegida. Il tenor tar las acziunarias ed acziunaris da la Ems Chemie ha laschà sentir, ch’els n’han nagut encunter la candidatura ed ina eventuala elecziun da Martullo-Blocher. Quai funcziuneschia bain en ina, ed ultra da quai sajan las substituziuns gia planisadas.

Artitgels legids il pli savens