Dapi 20 onns e l’Institut per perscrutaziun da la naiv e da las lavinas SLF gia vi da perscrutar il cumportament da lavinas, bovas e crudadas da crappa. Il resultat è il sistem da simulaziun RAMMS che vegn duvrà sin l'entir mund sco basa da decisiun per zonas da privel ni per mesiras da segirezza.
Il program riva da simular, sco ch’ina lavina ni ina bova sa cumporta sch’ella vegn giu per la costa giu ed oravant tut, en tge dimensiuns ch’ella pudess chaschunar donns.
La pli nova versiun riva uss schizunt da calcular il squitsch d’aria ch'i dat tar ina lavina da pulvra e che sa era procurar per destrucziuns da plantas e tetgs da chasas, ni bittar enturn autos.
Pussibel è quai mo cun ramassar ina massa datas da lavinas da pulvra che vegnan onn per onn giu per las vals.
La predicziun è mo uschè buna sco noss model. Nossa finamira èsi da mover il model adina pli enavant e pli datiers a la realitad.