Siglir tar il cuntegn
Inhalt

Ulteriur Grischun Record d'annunzias a la scola d'hotellaria

En tut èn quest onn 132 persunas giuvnas s'immatriculadas a la scola d'hotellaria a Passugg.

La scola cun restaurant da terrassa davant.
Legenda: Record d'annunzias a la scola d'hotellaria a Passugg. Keystone

Anc mai hai dà tantas immatriculaziuns sco quest onn a la scola d’hotellaria a Passugg. En tut èn 132 studentas e students s'annunziads. Da quels han gia 83 cumenzà il studi sco hotelier u hoteliera, e 33 la scolaziun sco spezialist da communicaziun per hotels. Il settember vegnan lura anc 16 students da la scola d'hoteliers da Losanna a cumenzar lur studi en ina nova classa sin il campus a Passugg.

Per che tut ils novs students survegnian in suttetg – è l'hotel da scolaziun vegnì engrondì durant la stad. Sco la scola da Passugg scriva, sajan tut ils plazs occupads cumplettamain. En il futur veglian ins anc stgaffir dapli plazzas da scolaziun.

RR novitads 12:00