Siglir tar il cuntegn

Header

audio
Sandra Maissen candidescha per la regenza da Cuira
Or da Actualitad dals 23.01.2020.
laschar ir. Durada: 02:59 minutas.
cuntegn

Regenza da la citad da Cuira «La finamira è da vair la maioritad burgaisa en l'executiva»

La giurista ed economa Sandra Maissen vul conquistar per la PCD in sez en la regenza da la chapitala grischuna.

La dunna da 55 onns cun ragischs a Breil vul succeder a Tom Leibundgut che na candidescha betg pli.

Sandra Maissen è creschida si a Cuira ed è giurista. Fin il 2018 è ella stada secretaria generala da la Conferenza da las regenzas chantunalas a Berna. Ils ultims dus onns ha ella manà in start-up a Shanghai. En il post da secretaria generala a Berna haja ella pudì rimnar bleras experientschas en process politics.

Quai è in grond avantatg per in post en l’executiva sco en la regenza da la citad da Cuira.
Autur: Sandra Maissencandidata per las elecziun da la suprastanza da Cuira

Colliaziun cun Cuira

Sandra Maissen è dentant stada ditg davent da la citad da Cuira, cura ch’ella ha lavurà a Turitg, Berna e Shanghai. Pir la stad passada è ella turnada a Cuira. Ella di però, ch’ella saja fitg colliada cun la citad. Là haja ella passentà la mesadad da sia vita ed ella saja burgaisa da Cuira.

Terz candidat u terza candidata manca anc

Sper Anita Mazzetta da la glista libra verda è Sandra Maissen la segunda candidata che vul far la cursa. Ier ha dentant er la PPS annunzià dad ir en il cumbat electoral cun in agen candidat. Cun tgi n'è però anc betg cler. La Partida burgais-democratica sco er la Partida liberaldemocratica dal Grischun ha communitgà, ch'ella beneventia e sustegnia la candidatura da Maissen.

Las elecziuns da la regenza e dal parlament da Cuira èn ils 17 da matg.

RTR actualitad 17:00

Artitgels legids il pli savens

Scrollar a sanestra Scrollar a dretga