Siglir tar il cuntegn

Header

cuntegn

Regiun Plessur Raschein è nova presidenta

La conferenza dals presidents da la Regiun Plessur ha elegì ina nova presidenta: Margrith Raschein, la presidenta communala da Churwalden. Ella succeda a Lorenzo Schmid dad Arosa che n’ha betg pli candidà sco president communal d'Arosa. Quai ha communitgà la Regiun Plessur. Margrith Raschein vegn a presidiar la regiun ils proxims trais onns.

Sco nov vicepresident ha la conferenza elegì Roderick Galantay, il president communal da Tschiertschen-Praden. L'eleziun substitutiva è stada necessaria perquai ch'il temp d'uffizi da la vicepresidenta actuala Gerda Wissmeier (presidenta communala da Haldenstein) va a fin la fin da l'onn pervi da la fusiun da Haldenstein cun la citad da Cuira.

RTR novitads 10:00

Artitgels legids il pli savens