La remisa a la staziun d’Arosa na vegn actualmain betg nizzegiada da la Viafier retica. Uss ha la RhB vendì l’object en dretg da construcziun a la Blue Mountain AG.
Bar, restaurant e lounge
Il bajetg sut protecziun da monuments vegn transfurmà en in manaschi da gastronomia e duai survir sco lieu da scuntrada per indigens e giasts d’ordaifer.
Il nov concept incorporescha ina bar, ina zona da restaurant ed ina gronda lounge. Products regiunals ed eveniments culturals sco producziuns da musica e ulteriuras occurenzas furman il focus dal concept.
Quatter gastronoms al timun
Ils manaders dal nov manaschi èn quatter gastronoms, numnadamain Marc Bachmann, Hitsch Leu, Daniel Kehl e Marc Saxer. En l’avegnir vegnan els a collavurar sco partenaris.
L’avertura da la nova remisa è planisada ad uras per il «Arosa Humorfestival 2016».
RR novitads 15:00