L'ospital da Tavau reducescha sia direcziun. Quai ha il cussegl administrativ da l'ospital decidì en sia ultima sesida. Gia l'onn passà era la direcziun vegnida reducida suenter in pensiunament, dad 8 sin 7 commembers. Tenor communicaziun duai la direcziun cumpigliar da nov be pli 5 persunas.
Il nov gremi duai sa cumponer dal CEO, CFO, dal manader dal sectur tgira, il schefmedi da la medischina interna sco er dal schefmedi chirugia. Cun questa nova constellaziun vul il cussegl administrativ meglierar l'effizienza da la direcziun e tschentar in segn per la reducziun er sin l'etascha la pli auta.