Siglir tar il cuntegn

Header

audio
Bunura: Repair Café – cunter il trend da bittar davent tut
Or da Actualitad dals 23.03.2019.
laschar ir. Durada: 2 minutas 47 Secundas.
cuntegn

Ulteriur Grischun Reparar enstagl da bittar davent – il Repair Café a Cuira

Mardi passà ha gì lieu a Cuira il segund Repair Café en la chasa da scola Lachen. Là pon ins purtar rauba che na funcziuna betg. Cun agid da persunas dal fatg, vegnan quellas lura reparadas.

L'emprim Repair Café ha gì lieu l'onn 2014 a Berna ed è vegnì inizià da la fundaziun per la protecziun da consuments. La filosofia è da dar cuntrapais al cumportament da consum, da sminuir ils munts da rument e da schanegiar las resursas.

Repair Café a Cuira

Mardi passà ha il Repair Café gì lieu per la segunda giada en la chasa da scola Lachen. A Cuira è l'iniziativa vegnida da Corina Peterelli, ch'è stada scolasta en la scola Lachen a Cuira. Auter che tar ils ulteriurs Repair Cafés ha la scolasta qua integrà ils scolars en il Repair Café. Quels han pudì accumpagnar ina persuna dal fatg e gidar da reparar la rauba ch'è vegniva purtada dals visitaders.

Quai è cool d'accumpagnar in profi e da vesair, co tut è bajegià si e funcziunescha. Quai è ina giada insatge auter che scola normala.
Scolar

Las persunas che reparan ils objects ch'èn empaglia fan tuts quai sin basa voluntara. Quai èn surtut persunas pensiunadas, dentant er intgins giuvens e schizunt ina fatschenta ha mess a disposiziun dus emprendists.

Mia motivaziun da reparar chaussas voluntari è ch'jau less far insatge per l'ambient.
Voluntari

Las reparaturas èn gratuitas - il sulet che custa è il café e la petta ch'ins po cumprar durant ch'ins spetga.

video
Repair café a Cuira
Or da Telesguard dals 27.03.2019.
laschar ir. Durada: 3 minutas 49 Secundas.

RR actualitad 07:00

Artitgels legids il pli savens