Il nov center da registraziun per requirents e requirentas d'asil vegn construì al Meiersboden a Cuira. Quest'emna hajan ins cumenzà ad endrizzar il plazzal da lavur, ha communitgà il chantun.
Fin la fin d’avrigl duran las lavurs per dismetter il sulom contaminà. Silsuenter cumenzan las lavurs sco talas. La construcziun duai esser terminada sin la fin da l’onn. Per las lavurs internas prevesa il chantun il temp dal december 2021 fin l’avust 2022.
Suenter duai il center lura avrir sias portas. Il center duai porscher plazza per 180 requirents d'asil, e custa 7,7 milliuns francs.
Per tadlar: Las novitads da las 11.00 uras
ord RTR Audio dals 30.03.2021.
Maletg: RTR
