En media dovran ils da Cuira var 150 liters aua da baiver per di. La gronda part da quella vegn dal Parpaner Rothorn e vegn rimnada en la chasa da funtauna a Parpan.
Tant las tschiffadas d'aua da las radund 40 funtaunas sco er lur stabiliment èn part dal project da sanaziun. Cun la sanaziun vegn er insatge nov: Sin viadi vers Cuira producescha l'aua da baiver uss er forza electrica per radund 1'400 chasadas.
Quai èn radund 900 meters d'autezza. Pli baud han ins stuì limitar la pressiun cun chavas. Oz faschain nus atgnamain il medem, be che nus producin medemamain anc electricitad.
Cun l'emprim pass dal mantegniment han ins cumenzà avant 16 onns. Uss èn ins cun il reservuar St. Hilarien en la fasa finala. Sin la fin da l'onn duai il project da sanaziun esser realisà, custs totals enturn 23 milliuns francs.