La resistenza cunter la plazza d'atterar per helicopters che la Rega e la vischnanca da Tavau vulessan eriger a Frauenkirch vegn da differentas varts:
Cunter il project è d'ina vart la gruppa d'interess Tavau senza heliport. Radund 300 persunas fan part da questa gruppa ch'è betg cunter la Rega, mabain cunter il heliport a Frauenkirch. Sco quai ch’il president da la IG Tavau senza heliport ha ditg envers il Schurnal regiunal da radio SRF, temian els ch'il heliport da la Rega saja l’emprim pass tar in heliport turistic.
Anc in pass enavant va la segunda gruppaziun ch'è cunter il heliport, l’uniun Natura nostra. L'uniun è vegnida fundada avant duas emnas ed è da principi cunter in heliport a Tavau. Tenor Natura nostra pon ils helicopters da la Rega sa platgar er en futur tar l’ospital da Tavau.
Ord l'archiv:
RR novitads 06:00
