Siglir tar il cuntegn

Header

cuntegn

Resultat stretg Haldenstein vul fusiunar cun Cuira

La vischnanca da Haldenstein vul fusiunar cun la citad da Cuira. Quai ha la radunanza communala decis cun in resultat fitg stretg. Be duas vuschs han fatg la differenza: 253 votantas e votants han approvà il contract da fusiun, 251 han ditg Na. Uschia ha la vischnanca communitgà.

Il contract da fusiun vala per 15 onns. Gia oz collavura Haldenstein stretg cun Cuira en ils secturs scola secundara, pumpiers, lavuratori communal e finanzas. Er suenter la fusiun restass la scola primara a Haldenstein.

La fusiun è stada dispitaivla tar ils abitants e las abitantas da Haldenstein. Las bleras discussiuns hai dà pervi da las finanzas. Ils blers aderents da la fusiun han argumentà surtut cun las investiziuns planisadas da 13 milliuns francs ils proxims onns. Per pudair finanziar quai stuessi la vischnanca auzar il pe da taglia. Il comité cunter la fusiun, la gruppa «Pro Haldenstein» ha mess en dumonda l'argument da la situaziun finanziala.

Cuira sto anc decider a l'urna

Sco quai ch'il president da la citad da Cuira Urs Marti aveva communitgà gia avant la votaziun, pudessan ils votants e las votantas da Cuira – il cas che Haldenstein approvescha il contract da fusiun – gia il favrer votar en chaussa.

audio
Per tadlar curt e cumpact
ord Novitads dals 23.11.2019.
laschar ir. Durada: 1 minuta 10 Secundas.

RR novitads 06:00

Artitgels legids il pli savens